- Tíðindi, mentan og ítróttur
Fimleikafelagið Ljósið steypavinnari
![](https://kvf.fo/sites/default/files/styles/grein-ovasta-mynd/public/lyrahydra_0.jpg?itok=1U_5YXny)
Í gentubólkinum var Team Lyra úr Fimleikafelagnum Ljósið á odda fyri seinnu kapping, og tær gjørdu ikki mætari, enn at tær øktu um leiðsluna til seinnu kapping, so tær at enda vunnu greitt.
Hjá unglingunum tyktist eftir fyrru kapping eingin ivi vera um, at Team Eina úr Havnar Fimleikafelag fór at vinna samlaðu kappingina, og so var, men Vípan úr Støkk kom nógv nærri enn tær gjørdu til fyrstu kapping, so spenningurin til FM kappingina í mai er stórur.
Hjá kvinnum Var Hydra úr Fimleikafelagnum Ljósið stóri favoritturin eftir fyrru steypakappingina, og tær sviku heldur ikki hesaferð, og gjørdust greiður steypavinnari í kappingini hjá kvinnum, har einans tvey lið luttóku.
Næsta kapping verður FM undankappingin í mai, men flestu av liðunum fara at kappast í ymsum kappingum kring um í Europa, áðrenn kappast verður aftur í Føroyum.