Ein stak friðarlig nátt

Løgreglan sigur frá eini stak friðarligari nátt.

Tíggju nummarplátur eru kliptar. Hetta verður gjørt, tá løgreglan hevur fingið boð frá Akstovuni um, at eigarin av bilinum ikki hevur rindað trygging, vegskatt ella ikki verið til sýn.

Í nátt blivu eisini tvær bøtur skrivaðar fyri brot á politiviðtøkurnar.

Talan var í báðum førum um støður, har løgreglan kom í millum fólk, sum vóru um at fara til hendurs. Hetta var tó steðgað áðrenn, og tí er einki harðskapsmál skrivað.