Dømdir fyri at gera rúsevni í Norðdepli

Ein 37 ára gamal maður fekk tvey ára treytaleysa fongsulsrevsing, og ein 43 ára gamal fekk seks mánaðir  treytaða revsing í Føroya rætti í gjár.

Báðir eru dømdir fyri at gera átta litrar av GHB, eisini kallað G og fantasy, í einum verkstaði í Norðdepli.

Tann yngri er eisini dømdur fyri at ætla at gera tvey kilo av amfetamini.

Teir eru báðir dømdir fyri at hótta ein mann og fyri ólógligan tvingsil.

Annar teirra, tann yngri, segði, at hann var ikki bangin fyri at brúka høglbyrsu, sum lá í bili teiira.

Hetta var alt í 2020.

Nokta seg sekar

Dømdu menninir eru danir. Teir játta at hava gjørt 200 millilitrar av DHB.

Men annars nokta teir seg sekar.

Annar maðurin, hann sum fekk seks mánaðir, tók við dóminum.

Hin bað um tíð at hugsa seg um. Hann kann skjóta dómin inn fyri Landsrættin.