Meirilutin í vanda

bannari
27.03.2018 - 11:16
AktueltPolitikkur
Meirilutin í vanda
Kári P. Højgaard, løgtingsmaður, hevur boðað løgmanni frá, at samgongan skal fyribils ikki rokna við atkvøðuni hjá sær til pensjónsnýskipanina
 

Kári P. Højgaard, sum ikki vildi gera samrøðu við Kringvarpið í dag, sigur, at hann heldur lítið um gongdina í løtuni, har almenn arbeiðspláss flyta úr Eysturoynni og eingi koma í staðin.

Seinasta dømi, ið Kári P. Højgaard vísir til, er eitt virknis- og tilhaldsstað við 10 starvsfólkum, ið hevur verið í Norðragøtu, men sum nú er flutt til Klaksvíkar.

Avtalubrot

Kári P. Højgaard sigur, at samgongan hevði sett sær sum mál at arbeiða ímóti miðsavnan, men eftir hansara tykki miðsavnast almenn arbeiðspláss í stóran mun har, sum onnur almenn arbeiðspláss eru frammanundan.

Kári P. Højgaard sigur, at ein fortreyt fyri, at hann kundi taka undir við pensjónsnýskipanini saman við samgonguni var, at henda gongdin ikki skuldi halda fram, og at onkur almennur stovnur og almenn arbeiðspáss skuldi flytast inn í Eysturoynna, har avmarkað alment virksemi er frammanundan.

- Tað vísir seg ikki at verða so og tað haldi eg verða eitt avtalubrot. Tí skal samgongan fyribils ikki rokna við atkvøðuni hjá mær, og tað havi eg boðað løgmanni frá, sigur Kári P. Højgaard.

Meirilutin í vanda

Løgtingsmaðurin úr Sjálvstýri sigur seg ikki hava sett nøkur krøv til løgmann um, hvat hann skal gera. Hann hevur heldur ikki sett nakra freist á, nær løgmaður skal venda aftur til sín.

Við tí hevur samgongan mist eina atkvøðu og harvið er meirlutin fyri nýskipanini í vanda.

 
Nýggjastu sendingar í ÚV
Leygardag 7. desember
Morgunlesturin leygardagurin 7.desember 2019
101960
Leygardag 7. desember
Kaffidussur við Sigrun Johannesen
101951
Fríggjadag 6. desember
Góðan morgun, Føroyar 6. desember 2019
101913
Fríggjadag 6. desember
Pressan: Fútaforboð og pressufrælsi
101910
Nýggjastu sendingar í SV
Hósdag 5. desember
Sí sendingina: Ein dagur í Nuuk
101848
Týsdag 3. desember
Kveikur: Samherjaskjølini (2:2)
101784
Sunnudag 1. desember
Andakt við Marjuni í Kálvalíð
101682
Sunnudag 1. desember
Guðstænasta í Mariukirkjuni
101705
Fríggjadag 29. november
Hyggjuráðið
101668