Kunngerðin um uppboðssøluna í gildi 1. apríl

Kunngerðin um, at minst ein fjórðingur av øllum veiddum fiski skal seljast á uppboði, kemur í gildi sunnudagin 1.apríl.　

22 fiskasløg, so sum botnfiskur og uppsjóvarfiskur, eru nevnd í kunngerðini um, at allur fiskur skal um bryggjukant í Føroyum og um uppboðssøluna.

Kunngerðin sigur, at í minsta lagi 25% av allari veiðu, umroknað til runda vekt hjá føroyskum fiskifari í einum ári, skal bjóðast út um góðkenda uppboðssølu í Føroyum.

Undantikin hesi treyt eru tó veiðirættindi keypt á uppboðssølu.

Uppboðssøluárið 2018 byrjar tó 1.apríl og ikki 1.januar.

Kunngerðin hevur eisini revsiheimild eftir lógini um, hvussu sjófeingið skal umsitast - tað er nýggja fiskivinnulógin.

Vørn kann alt fyri eitt taka aftur rættin til at reka vinnuligan fiskiskap, um kunngerðin verður brotin.

Rætturin at reka vinnuligan fiskiskap kann takast aftur - upp til fýra vikur hvørja ferð.