- Tíðindi, mentan og ítróttur
Methøg elframleiðsla úr vindorkuni
Methøg elframleiðsla úr vindorkuni
Fyrsti ársfjórðingur hilnaðist sera væl í vindmyllulundunum í Húsahaga og Neshaga, upplýsir SEV
![](https://kvf.fo/sites/default/files/styles/grein-ovasta-mynd/public/husahagi.jpg?itok=TGQjOGcH)
11.04.2018 - 08:34
Mylla tvey í Neshaga gjørdi slakar 400 Megawatttímar í mars í ár. Tað er met.
Gamla metið er frá november í fjør.
Øll vindmyllulundin í Neshaga setti eisini nýtt met í mars í ár.
Gamla metið var frá desember 2014.
Eisini í Húsahaga hevur úrtøkan úr vindorkuni verið framúr góð fyrsta ársfjórðingin.
98 prosent av vindorkuni vórðu fingin til høldar í Húsahaga fyrstu tríggjar mánaðirnar í hesum árinum, og tað er eisini met.
Heri Mortensen, deildarstjóri hjá SEV, vísir á, at í Húsahaga er battarískipanin høvuðsorsøkin til, at so nógv elorka fæst burtur úr vindorkuni.
51 prosent av streyminum, sum SEV gjørdi í fjør, kom úr vatni og vindi.
Nýggjastu sendingar í ÚV
Nýggjastu sendingar í SV