Lættari hjá eldri at varveita koyrikort

Nú fara bilførarar, ið 75 ár og eldri, kanska at sleppa undan at fara til læknakanningar annaðhvørt ár fyri at varveita koyrikortið.

Løgtingið hevur við aðru viðgerð samtykt uppskotið hjá Kára P. Højgaard, tingmanni fyri Sjálvstýri, um at strika kravið um at bilførarar kunnu hava koyrikort til teir eru 75 ár, og eftir tað skulu til læknakanningar, fyri at varveita koyrikortið

Í dag er galdandi fyri Føroyar, at tey eldru frá 75 ára aldri skulu til læknakanningar annaðhvørt ár fyri at fáa endurnýggjað koyrikortið og hvørt ár, eftir at ein er vorin 80 ár.

Samanbera vit okkum við omanfyri nevndu londini, hava Føroyar kravmiklastu ásetingarnar fyri endurnýggjan av koyrikorti hjá eldri bilførarum, vísir Kári P. Højgaard á í viðmerkingum til uppskotið.

Uppskotið skal til triðju viðgerð, áðrenn tað er endaliga samtykt.