FBI-kanning steðgar stevning av Trump-advokati

Stevningin hjá pornosjónleikarinnuni Stephanie ”Stormy Daniels” Clifford av Michael Cohen, advokati hjá amerikanska forsetanum Donald Trump, verður steðgað í tríggjar mánaðir.

Tað hevur ein dómari avgjørt.

Orsøkin er, at Michael Cohen verður kannaður av FBI, sum hevur gjørt rannsóknir á hansara skrivstovum og húsum.

Sambært amerikonskum fjølmiðlum kannar FBI um teir 130.000 dollararnir, sum Michael Cohen rindaði til Stormy Daniels áðrenn forsetavalið í 2016, stavaðu frá valdystinum hjá Donald Trump. Tí hetta er í stríð við amerikonsku lógirnar um valdystir.

Michael Cohen rindaði Stormy Daniels fyri ikki at siga alment frá, at hon hevði havt kynsligt samband við Donald Trump.

Fyri einum mánaða síðan stevndi Stormy Daniels advokatin fyri ærumeiðing.

Men dómarin metur, at stevningin eigur at útsetast, meðan FBI kannar sama mál.