Vaktarhald í Mykinesi

02.05.2018 - 08:47
AktueltVinna
Vaktarhald í Mykinesi
Hagapartarnir í Mykinesi og hiking.fo hava gjørt avtalu um summarið 2018. Hiking.fo skal hava vaktarhald í Mykinesi, so lundin í oynni fær frið
 

Hagapartarnir í Mykinesi og heimasíðan hiking.fo hava gjørt avtalu um summarið 2018, frá nú í mai til og við august. Hiking.fo skal hava vaktarhald í Mykinesi, so lundin í oynni fær frið.

Jósup byrjaði siglingina á Mykinesleiðini í gjár. Tá byrjaði ferðafólkastreymurin eisini. 

Í apríl í fjør samtykti grannastevna í Mykinesi, at okkurt mátti gerast fyri at verja lundan. 

Sambært reglunum er bara loyvt at fara burtur í haga, tað er út um bøgarðarnar, millum kl.11.00 og 17.00, tá vaktarhald er.

Vilja ferðafólk fara í hagan aðrar tíðir, krevst loyvi í hvørjum einstøkum føri. Møguligt loyvi fæst við at venda sær til hagastýrisformennirnar.

Vaksin gjalda 100 krónur fyri at sleppa í hagan og út í Hólmin, børn millum 7 og 14 ár rinda 50 krónur, og tey, sum eru yngri enn 7 ár, sleppa ókeypis.

Í ár er vaktarhald í oynni, men ferðafólk kunnu eisini biðja um at fáa ferðaleiðara.

Gøtur í haganum eru merktar við prestum, sum eru goldnir við inntøkum frá ferðafólki.


 

 
Nýggjastu sendingar í ÚV
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Mikudag 24. apríl
Ítróttasamband í 80 ár
93804
Mikudag 24. apríl
Góðan morgun Føroyar 24. apríl 2019
93797
Nýggjastu sendingar í SV
Hósdag 25. apríl
Fyrsta FM finalan KYNDIL - VÍF, kvinnur
93821
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252
Mánadag 22. apríl
Hamradun - konsert í Tvøroyrar kirkju
93477