Vil kanna aðrar møguleikar

Vil kanna aðrar møguleikar
Søren Pape Poulsen, danskur løgmálaráðharri, er til reiðar at kanna aðrar møguleikar fyri nýggjari polistøð í Havn
Sjúrður Skaale, Søren Pape Poulsen og Bjarni Hammer
Mynd: Javnaðarflokkurin  
 
24.05.2018 - 10:23

Verandi verkætlan verður ikki steðgað ella útsett, men áðrenn arbeiðið at umbyggja gamla bygningin hjá BankNordik í Húsagøtu byrjar, skulu aðrir møguleikar kannast.

Tað upplýsti Søren Pape Poulsen á fundi við Bjarna Hammer og Sjúrð Skaale í fólkatinginum í dag. 

Tá Bjarni Hammer var á fólkatingi sum varamaður hjá Sjúrði Skaale fyrst í mai, spurdi hann forsætisráðharran, um danskir myndugleikar kunnu endurskoða ætlanina at umbyggja gamla bankabygningin til politistøð.

Bjarni Hammer segði, at nógv í Føroyum halda tað vera ein trupulleika at umbyggja gamla bygningin hjá BankNordik til politistøð, og hann nevndi møguleikan byggja eina nýggja politistøð, sum skal hava hentleikar bæði til politi og ákæruvald.

Forsætisráðharrin vísti til løgmálaráðharran, Søren Pape Poulsen, sum hevði fund við Bjarna Hammer og Sjúrð Skaale í dag.

Søren Pape Poulsen sigur, at hann ætlar at kanna møguleikan at selja bankabygningin aftur, staðseta nýggjan bygning, og at kanna, hvussu tað betur kann loysa seg at fara undir eina so stóra verkætlan, tá føroyska byggivinnan hevur minni at gera, enn hon hevur í løtuni.
 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442