Suðuroyingar mótmæla dystarbyrjan í Gundadali

Suðuroyringar hava sent inn mótmæli til Fótbóltssamband Føroya um dystin í hálvfinaluni í Løgmanssteypinum ímóti B36 í Gundadali. Tað skrivar lokalmiðilin Suðurrás. 

Fótbóltssambandið hevur sett dystin at byrja kl. 17, men fleiri leikarar hjá suðuroyingum skulu til próvtøku, og hóast suðuroyingar hava leigað tyrluna, fáa teir ikki verið í Gundadali, fyrr enn ein tíma áðrenn dysturin skal byrja. 

- Tað er ikki rímiligt, at okkara leikarar ikki hava sama møguleika at fyrireika seg til dystin sum B36, sigur Julius Vest Joensen, formaður í FC Suðuroy.

Tí hava vit eisini gjørt av, at vit spæla ongan dyst í Gundadali í morgin fyrr enn í fyrsta lagi kl. 18, sigur hann.

Suðuroyingar hava mótmælt dystartíðina í Gundadali og vilja hava dystin fluttan frá kl. 17 til kl. 18, skrivar Suðurrás.