Danmark hjálpir Føroyum at gera fríhandilsavtalur

02.07.2018 - 07:06
AktueltPolitikkur
Danmark hjálpir Føroyum at gera fríhandilsavtalur
Uttanríkisráðharrin hevur svarað spurningum frá fólkatingsmanni um sambandið millum Føroyar og Russland
Anders Samuelsen og Poul Michelsen um borð á Brimli.
 

Danska stjórnin stuðlar Føroyum í royndunum at fáa fríhandilsavtalu við EABS, sum er samgongan millum Russland, Kasakstan, Hvítarussland, Armenia og Kirgistan.

Stjórnin hevur so hvørt fingið kunning um samskiftið mlllum Føroyar og EABS, og hon hevur hjálpt Føroyum i hesum máli. 

Millum annað hevur danska sendistovan í Moskva hjálpt Føroyum.

Tað sigur Anders Samuelsen, uttanríkisráðharri, sum hevur svarað spurningum frá Nick Hækkerup, fólkatingsmanni.

Uttanríkisráðharrin sigur, at hetta málið er ikki nýtt. 

Uttanríkisráðíð og landsstýrið hava síðani 1999 tosað um føroyska fríhandilsavtalu við fyrst Russland og síðani við EABS.

Og í 2013 søkti løgmaður um frihandilsavtalu við EABS. 

Yvirtikin málsøki

Stjórnin tekur undir við hesum, men bara, tá talan er um málsøki, sum Føroyar hava yvirtikið, sigur Anders Samuelsen í svarinum.

Handil við onnur lond er yvirtikið málsøki, og  tí kunnu Føroyar gera fríhandilsavtalur við onnur lond, sigur Anders Samuelsen.

Hann vísir til lógina um rættin hjá Føroyum at gera avtalur við onnur lond vegna kongsríkið Danmark, ríkisfelagsskapin. 

Hetta eru avtalur, sum bara eru føroyskar.

Ein slík avtala kann fevna um samstarv um handil, djóralæknatænastur og orku. 

Men uttanríkisráðharrin sigur eisini, at sambært grundlógini eru uttanríkismálini fyri alt danska ríkið hjá stjórnini.

Tey eigur stjórnin, og uttanríkispolitikkurin umfatar eisini donsku handilsforðingarnar móti Russlandi. Tær halda fram, sama hvat Føroyar gera, sigur hann.

Ráðførsla

Mikudagin fer Poul Michelsen, landsstýrismaður í uttanríkis- og vinnumálum, at ráðføra seg við Uttanlandsnevndina hjá løgtinginum um fríhandilssáttmálan við Russland, Kasakstan, Hvítarussland, Armenia og Kirgistan.

Ráðharraráðið í búskaparsamgonguni hjá teimum fimm londunum, EABS, samtykti í vár einmælt at gera avtalu við Føroyar.

Í avtaluni við Føroyar stendur, at partarnir eru samdir um miðvíst at arbeiða saman og styrkja handilsligu og búskaparligu bondini millum londini.

Avtalan, sum skrivað verður undir í august, hevur vakt ans í Danmark. 

Hon endaði á borðinum hjá uttanríkisráðharranum, sum fekk nakrar spurningar um hana frá Nick Hækkerup, fólkatingsmanni.

 
Nýggjastu sendingar í ÚV
Fríggjadag 28. februar
Óhoyrt: Tey gomlu bjóða av
105425
Fríggjadag 28. februar
Dagsins yrking - Atferð 1 2 3
104580
Fríggjadag 28. februar
Pressan: Pengar til krabba er Public Service
105417
Fríggjadag 28. februar
Morgunlesturin fríggjamorgunin 28. februar 2020
105066
Nýggjastu sendingar í SV
Hósdag 27. februar
Depotið 01
105393
Hósdag 27. februar
Hyggjuráðið
105384
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214