Úrslit frá orkukanning handast í næstum

Tað verður Petur Nielsen, stjóri á Umhvørvisstovuni, sum hósdagin tann 23. august fer at handa úrslitini til Sirið Stenberg.

Upprunaligi arbeiðssetningurin var at kanna, hvussu vatnorkuøkið í Vestmanna best kundi útbyggjast at nøkta tørvin á orkugoymslu í framtíðar elorkuskipanini.

Kanningin varð upprunaliga lýst í Virkisætlanini frá 2014 sum eitt átak at lýsa tørvin á orkugoymslum í framtíðar elorkuskipan í Føroyum.

Men í 2015 heitti landsstýriskvinnan á Umhvørvisstovuna um at seta kanningina í verk. Arbeiðið varð skipað við stýrisbólki og arbeiðsbólki.

Í stýribólkinum vóru umboð frá Umhvørvisstovuna, SEV, Heilsu- og innlendismálaráðið og Dansk Energi. Í arbeiðsbólkinum vóru umboð fyri Umhvørvisstovuna, SEV og Dansk Energi.