Einki tilboð um undangóðkenning

Einki formligt boð kom, tá Tórshavnar kommuna beyð samtøkum at vera við í undangóðkenningini at byggja, fíggja og umsita íbúðir, bilpláss og fríøki á Frúutrøð.

Men fyrispurningarnir eru nakrir.

Nú fer kommunan at tosa við tey, sum spurdu, fyri millum annað at fáa at vita, hvat helt teimum aftur at bjóða.

Hetta er fyrsta verkætlanin av sínum slagi í Føroyum.

Toymi, sum eru skipað við ráðgevum, byggivinnuni, íleggjarum og eisini fólkum ella fyritøkum, sum kunnu umsita leiguíbúðir, kundu søkja um undangóðkenning, men tá freistin fór mánadagin, hevði eingin søkt.

Annika Olsen, borgarstjóri, heldur, at kanska eru ov nógvar bindingar og treytir eru í verkætlanini.

Tað, millum annað, fer kommunan at spyrja tey um, sum sýna verkætlanini áhuga.