Fiskaaling skal ala tara

Partafelagið Fiskaaling fer nú eisini at ala tara. Fiskaaling hevur søkt um, at royndaraliloyvið á landi í Nesvík eisini skal umfata tara, skrivar Heilsufrøðiliga starvsstovan.

Og Starvsstovan hevur játtað. Loyvið at gera royndir at ala tara í Nesvík er galdandi til 2024.

Harafturat hevur smápartafelagið Tari søkt um at halda fram við taraalingini á Kaldbaksfirði.

Bakkafrost farming hevur havt loyvið hjá Tara um hond, men nú hevur Bakkafrost farming latið aliloyvið á Kaldbaksfirði innaftur. 

Tari hevur tí søkt um halda fram við taraalingini. 

Heilsufrøðiliga starvsstovan hevur játtað, men loyvið er tíðaravmarkað. Tað er galdandi til 31. desember 2020. 

Taraalingin skal vera á aliøkjunum, sum longu eru á Kaldbaksfirði.