Amerikanski senatorurin John McCain er deyður

Amerikanski senatorurin, John Mc Cain, er deyður, 81 ára gamal.

John McCain stillaði upp til forsetavalið í 2000 og í 2008, tá Barack Obama vann. John McCain var valdur í Senatið fyri Arizona seks ferðir.

Krígsfangi - og hetja

Frammanundan var John McCain flogskipari í amerikanska flogvápninum - og krígshetja. Hann var skotin niður undir krígnum í Vietnam, har hann sat fangi í meira enn fimm ár. Hann varð píndur, og ringa viðferðin í norðurvietnamesiska fongslinum merkti hann restina av lívinum.

John McCain var republikanari, men fanst hvassliga at Donaldi Trump og politikki hansara.