Fara undir grønlendska fiskivinnunýskipan

Grønlendska landsstýrið fer nú aftur at gera eitt uppskot um nýggja fiskivinnulóg. Tað upplýsir landsstýrismaðurin í fiskivinnumálum, Erik Jensen, fyri grønlendskum miðlum.

Landstingið viðgjørdi eitt uppskot um nýggja fiskivinnulóg í heyst, men tað datt burtur, tá val varð útskrivað.

Erik Jensen sigur í einum tíðindaskrivi, at uppskotið, sum nú verður gjørt, tekur støði í málinum, sum datt burtur.

Landsstýrismaðurin í fiskivinnumálum fer næstu dagarnar at hava fund við umboð fyri fiskivinnuna.

Tá fiskivinnulógin var til viðgerðar i landstinginum í heyst, hóttu fleiri reiðarí við at krevja stórt endurgjald frá Sjálvstýrinum.