Grindaboð í Bø

Tíðliga seinnapartin í dag varð boðað frá grind vestanfyri, tað skrivar JN.fo. Grindin var tætt norður úr Barðinum, og tað var ein bátur úr Sørvági, sum fann grindina.

Ætlanin er at reka grindina á Bø, tað sigur Jákup Vestergaard, sýslumaður, við JN.fo

Tað eru ikki bestu líkindi at fáa grindina á Bø, tí grindin millum annað gongur í fleiri bólkum, og tí tað er vestfall. 

 Tveir bátar eru hjá grindini, og sambært JN.fo gongur grindin spakuliga inneftir.

- Fleiri bátar eru á veg til grindina. Roynt verður at reka grindina til Bíggjar, men rákið er ikki við, upplýsir sýslumaðurin fyri in.fo.