Sonu-parkeringin á Tvøroyri fer í søguna

Umsitingin hjá Tvøroyrar kommunu upplýsir fyri Kringvarpinum, at eingin bót varð skrivað frá 2016 til nú, ið skipanin verður tikin av, og heldur ikki í hagtølunum hjá løgregluni er nøkur parkeringsbót skrásett at verða givin á Tvøroyri hetta tíðarskeiðið.

Óneyðug skipan

Bjarni Hammer, formaður í ferðslunevndini, sigur, at skipanin skuldi eftirmetast nú, og hildið varð, at óneyðugt er við sonuparkering í býnum.

Ferðslunevndin kom við tilmæli um hetta, og løgreglan tekur undir við tí.

Sonu-parkeringin, sum nú fer í søguna, var partur av ferðslutrygdarætlanini, sum Tvøroyrar kommuna gjørdi í 2007.