Mistu sigurin í yvirtíðini

Tað var Litava, sum fekk betri byrjanina, og teir løgdu seg eisini fram um eftir góðar fimtan minuttir. Men 10 seinni minuttir javnaðu føroyingar. 

Seks minuttir fyri leiklok løgdu Føroyar seg fram um 2-1, og líkt var til ein føroyskan sigur. Men í 92. minutti fekk Litava brotsspark og skoraði. 

Tað var Meinhard E. Olsen, sum skoraði til 1-1, og Jákup B. Andreasen, sum skoraði til 2-1. 

Dysturin móti Litava var næstseinasti dystur í hesari EM-undankapping. Føroyar spæla síðsta dystin týsdagin á útivølli móti Danmark, sum eisini er oddalið í bólkinum.