Flóð í Fraklandi kravt mannalív

Fimm fólk hava latið lív í ringari flóð í útsynningspartinum av Fraklandi eftir ógvusligt áarføri í nátt.

Reuters skrivar, at bjargingartyrlur bíðaðu eftir líkindum at bjarga fólki.

- Vit hava fólk, sum eru strandað á tekjum, og vit mugu bjarga teimum úr luftini, tí streymurin er so ógvusligur, at vit ikki kunnu røkka tey í báti, sigur eitt umboð frá landspartastjórnini við franskt sjónvarp. 

Ringa flóðin kom uttan nakra ávaring frammanundan.

Áarføri er ikki púraokent í Fraklandi hesa ársins tíð, men veðurfrøðingar siga, at óvanliga heitur sjógvur við miðjarahavsstrondina í Fraklandi helst hevur elvt til grimdarregnið nú.

Franska verðurstovan sigur, at árið higartil er tað heitasta í Fraklandi síðani ár 1900, skrivar Reuters.