Skottilburður á skúla á Krim-hálvoynni

Skottilburður á skúla á Krim-hálvoynni
Í minsta lagi 18 fólk hava latið lív og um 40 eru løstaði av einum álopi á ein skúla á Krim-hálvoynni í Ukreina í dag.
Bjargingarfólk á staðnum.
Mynd: Yekaterina Keizo/Tass  
 
17.10.2018 - 16:36

BBC skrivar í dag, at í minsta lagi 18 fólk hava latið lív, og um 40 eru løstað av einum álopi á ein skúla á Krim-hálvoynni í Ukreina í dag.

Fyrst varð hildið, at ein gassleki var orsøkin til brestin, men tað varð skjótt avsannað, og myndugleikar arbeiddu við ástøðinum um, at ein næmingur var farin inn í skúlan við eini bumbu.

Nú vísir tað seg tó, at talan var um ein skottilburð, og ein 18-ára gamal næmingur, sum gekk á skúlanum, er gerningsmaðurin.

Krim-hálvoyggin hoyrir formliga enn til Ukreina. Russland legði annars økið undir seg í 2014, tá ein fólkaatkvøða í Krim vísti, at ein meiriluti ynskti at hoyra til Russlands heldur enn Ukreina. Stór spurnartekin vórðu sett við um fólkaatkvøðan fór rætt fram.

Viðurskiftini millum Russland og Ukreina eru framvegis ikki komin í rættlag eftir naggatódnina í 2014 og russiskt-stuðlaði tingformaðurin á Krim-hálvoynni, Vladimir Konstatinov, hevur eisini alment sagt, at hann heldur stjórnina í Kiev hava ábyrgdina av álopinum.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584