Tøkugjaldið í tingið

23.10.2018 - 09:07
AktueltVinna
Tøkugjaldið í tingið
Løgtingið fer í dag at viðgera eitt uppskot frá Poul Michelsen, landsstýrismanni í vinnumálum, um at broyta tøkugjaldið í alivinnuni.
 

Skotið verður upp at hækka gjaldið eitt hálvt prosent, upp í fimm prosent, tá marknaðarprísurin er 36 krónur kilo ella meiri.

Tá marknaðarprísurin er 32 krónur kilo ella meiri, men minni enn 36 krónur kilo, verður tøkugjaldið hálvt triðja prosent.

Fer marknaðarprísurin niður um 32 krónur, verður tøkugjaldið eitt hálvt prosent.

Uppskotið hevur ikki verið til almenna hoyring, men nevndin í Havbúnaðarfelagnum hevur kortini fingið uppskotið, og hevur havt møguleika at leggja síni sjónarmið fram.

Felagið vísir m.a. á, at seinastu seks árini er skipanin við loyvisgjaldi broytt fýra ferðir, og tað er ikki nóg støðugir karmar fyri vinnuna.

Havbúnaðarfelagið tekur eisini uppaftur síni prinsipiellu sjónarmið, um at alifyritøkarnar eiga ikki at gjalda loyvisgjald av umsetningi, men av staðfestur vinningi.

Vinnumálaráðið væntar, at lógarbroytingin fer at geva landskassanum 16,5 milliónir kr. í meirinntøku næsta ár.

Sostatt verður metta inntøkan frá tøkugjaldinum í alivinnuni í 2019 umleið 165 milliónir kr. 

Er kopiera
Nýggjastu sendingar í ÚV
Leygardag 21. mai
Morgunlestur leygardagur 21.mai 2022
139574
Fríggjadag 20. mai
Nón 20. mai 2022
139935
Fríggjadag 20. mai
Vesisex á Gentuvesinum
139930
Fríggjadag 20. mai
Ein granni ger innrás 4:4
139900
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646