Ongar reglur um orðing

Tað sigur Søren Pape Poulsen, løgmálaráðharri, í svari til Føroyanevndina hjá fólkatinginum, sum spurdi fyri Sjúrð Skaale, fólkatingsmann.

Dømi í spurninginum er eitt fólk, sum mesta partin av lívinum búði í Danmark, men síðani flutti til Føroya at búgva.

Løgmálaráðið fær ikki svarað

Í donsku lógini um fólkapensjón verður orðingin "her i riget" brúkt. Men orðingin merkir tó "her i landet", altso Danmark, sambært avgerð um fólkapensjónina hjá fólkinum, sum verður brúkt sum dømi i spurninginum.

Danska lógin um fólkapensjón er, sambært avgerðini, ikki galdandi fyri Føroyar, hóast Føroyar eru í ríkinum. Søren Pape Poulsen sigur, at Løgmálaráðið fær ikki svarað, hvussu orðingarnar skulu skíljast.

Men hann vísir til Arbeiðsmálaráðið, sum kann svara, hvussu orðingin "her i riget" skal skiljast í lógini um fólkapensjón.