Føroyingar viga ov nógv

Føroyingar viga ov nógv. Tað staðfestir nýggj Gallup kanning, sum Fólkaheilsuráðið hevur umbiðið

Kanningin vísir millum annað, at meira enn helvtin av føroyingum viga ov nógv, og 13 % kunnu bólkast at vera feit. 

Síðan 2003 er talið á føroyingum, sum viga ov nógv, vaksið frá 44 % og upp til 56 %. 

Samstundis eru alsamt færri við normalari vekt. 

Nógv fleiri kvinnur í Føroyum hava normala vekt samanborið við menn, og nógv fleiri menn eru í bólkunum við yvirvekt og fiti. 

Triði hvør føroyski maður hevur normala kropsvekt, meðan helvtin av kvinnunum viga tað, tær eiga. 

Tað eru serstakliga menn yvir 40 ár, sum viga ov nógv, men eisini menn frá 18-24 ár viga ov nógv - 41% av monnunum í hesum aldursbókinum. 

Staðið, har flest fólk hava normala vekt, er í Suðurstreymoy. Har viga 50 % av fólkunum tað, sum tey eiga.