Seming í morgin

Semingsstovnurin heldur seg nú hava fingið nóg mikið av tilfari til at fara undir veruliga seming millum Ljósmøðrafelagið og Fíggjarmálaráðið fyrrapartin í morgin klokkan tíggju.

Nýggjur sáttmáli skal gerast fyri sáttmálan, sum fór úr gildi 1.oktober í fjør.

Semingsstovnurin hevur eisini sáttmálatrætuna millum Lønardeildina hjá Fíggjarmálaráðnum og Skipara- og Navigatørfelagið um Strandfaraskip landsins og fiskirannsóknarskipið Magnus Heinason.

Tann sáttmálin fór úr gildi 1.oktober í ár.

Men Semingsstovurin ætlar fyrst at royna at fáa ljósmøðurnar og Fíggjarmálaráðið at semjast. 

Fundir hava tó verið millum Semingsstovnin, Fíggjarmálaráðið og Skipara- og navigatørfelagið.