Smyril í dokk fyri 26 milliónir krónur

Tað fer at kosta 26 mió kr. at lata Smyril fara í dokk næsta ár.

Hetta er neyðugt, sigur Samferðslumálaráðið í skrivi til Fíggjarnevndina hjá løgtinginum.

Klassin krevur broytingar, og tær eru neyðugar, skal skipið framvegis sigla.

Sjálv dokkingin, tað er viðlíkahald og umvælingar, kostar 16,3 milliónir, og tað kostar 9,7 mió. kr. at leiga annað skip, meðan Smyril er í dokk.

Strandfaraskip landsins hava samráðingar um tvey avloysaraskip fyri Smyril, annað teirra er Galaxy, sum fyrr hevur siglt á Suðuroyarleiðini.