Fíggjarnevndin ikki fingið frágreiðingina

Fíggjarnevndin hevur ikki fingið frágreiðingina, sum Mentamálaráðið skuldi fáa frá Landsverki í gjár um bygginga av Skúladeplinum í Marknagili.

Biðið er um eina eykajáttan á 18,7 milliónir krónur til byggingina, og væntandi er, at tørvur verður á fleiri pengum. Tí bað landsstýriskvinnan í Mentamálum Landsverk um eina frágreiðing.

Hana fekk Mentamálaráðið í gjár.

Fíggjarnevndin hjá Løgtinginum hevði fund í gjár, har eykajáttanin var á skrá, men nevndin fekk onga frágreiðing í gjár, og nevndin bíðar eftir landsstýrinum.