- Tíðindi, mentan og ítróttur
Almennar verkætlanir skulu vera heilar
![](https://kvf.fo/sites/default/files/styles/grein-ovasta-mynd/public/eysturoyartunnilin9.jpg?itok=d3jCgJSl)
Við einari heildarhugsan fæst full nytta burturúr íløgunum, sigur arbeiðsgevarafelagið.
Felagið nevnir vegirnar í sambandi við Eysturoyartunnilin.
Teir eru nýggjasta dømið um, at heildaratlit verða ikki tikin, tá farið verður undir størri almennar byggiverkætlanir.
Full nytta
Arbeiðsgevarafelagið sigur, at høvuðsverkætlan og avleiddar verkætlanir skulu gerast í senn ella innan fyri stutt áramál, so full nytta fæst burtur úr verkætlanini beinanvegin.
Eitt annað dømi eru bústaðirnir, sum mugu útvegast til arbeiðsfólkið, sum ger stórar almennar verkætlanir.
Samstundis sum tørvur er á bíligum leigubústøðum, verða skúrbýlingar settir upp til arbeiðsfólkið.
Um hesi skúrbýli vórðu bygd við varandi nýtslu fyri eyga, høvdu bústaðirnir kunnað verið yvirtiknir og dagførdir, tá verkætlanin var liðug, og verða brúktir til bíligar leigubústaðir, sigur Arbeiðsgevarafelagið.