Makrelsemja: Tvífalt so nógv sum ICES mælir til

Føroyar, ES og Noreg hava longt makrelsemjuna til 31. desember 2020, og føroyska makrelkvotan næsta ár verður 82.339 tons.

Makrelsemjan frá mars 2014 stóð til at fara úr gildi 31. desember í ár.

Undir tingingunum í Bergen í dag var gjørt av at áseta eina mest loyvdu veiðu næsta ár uppá góð 653.000 tons. 

Hetta er meira enn tvífalt so nógv, sum ICES-ráðgevingin mælir til. 

ICES mælir til, at londini ikki fiska meira enn góð 318.000 tons.