Innflutningsforboðið í Russlandi galdandi enn

Forboðið, sum matvørumyndugleikin í Russlandi hevur sett fyri innflutningi frá virkinum hjá Bakkafrosti á Glyvrum, stendur við.

Forboðið kom í gildi 23. november.

Orsøkin var, at bakteria varð funnin í einum sýni av fráskurði, sum varð innfluttur til Russlands.

Heilsufrøðiliga Starvsstovan hevur kannað málið og svara russarum. Bakkafrost fann einki, sum var yvir markvirðinum.

Men myndugleikarnir í Russlandi hava ikki svarað enn.

Bakkafrost sigur, at laksurin, sum skuldi til Russlands, fer á aðrar marknaðir.

Men felagið sigur eisini, at tað besta er at hava atgongd til allar marknaðir.