Fótbóltsakademi í Vági

Føroya fyrsta fótbóltsakademi er stovnað í Vági

Eitt fótbóltsakademi er ein skipaður skúli, har fótbóltur er berandi innihaldið í skúlanum. Høvuðsendamálið er at fyrireika ungar fótbóltsspælarar til eina framtíð sum yrkisfótbóltsspælarar.

Fótbóltsakademi verða vanliga skipaði fyri ungar spælarar, og er skúlagongd, antin í fólkaskúla ella miðnámsskúla, eisini vanliga partur av skúlaskapinum á einum fótbóltsakademii.

Fótbóltsakademi Føroya er ætlað til aldursbólkarnar U15 til og við U21. 

Fótbóltsakademi Føroya er skipað í samstarvi millum Ítróttaháskúlan í Suðuroy og FC Suðuroy.