Skráseta leigumál sum lúka brunatrygd

Kommunurnar fingu heimild til at skráseta leigubústaðir við nýggju leigulógini, men tær hava ikki tikið av møguleikanum um at fara undir at skráseta leigumál, sum lúka krøv um brunatrygd.

Tí vil Eyðgunn Samuelsen, landsstýriskvinna, at tað verður eitt krav. 

Endamálið við ásetingini er, at forða fyri, at fólk leiga bústaðir, sum ikki eru tryggir móti eldi.

Eftirspurningurin eftir bústøðum er ovurhonds stórur, men lítlar og ongar treytir eru settar til leigubústaðir. Hetta ger, at nógvir leigubústaðir eru sera vánaligir og í summum førum hættisligir. 

Leigunevndin skal eisini uppraðfestast og fær heimild til at taka støðu til leiguavtaluna og órímiligan kostnað. 

Við hesum vónar landsstýrið at fáa ein meiri skipaðan leigimarknað.