Ikki meiriluti fyri at áseta fiskidagar

bannari
12.12.2018 - 14:38
AktueltVinna
Ikki meiriluti fyri at áseta fiskidagar
Tveir høvuðstættir í fiskivinnuni hanga framvegis í leysum lofti, nú tað styttist til, at løgtingið fer í jólafrí.
 

Politiskur meiriluti er framvegis ikki fyri at áseta fiskidagarnar fyri 2019, og politiskur meiriluti er heldur ikki fyri at áseta veiðigjaldið, sum verður mett sum fíggjarligi bulurin í fiskivinnunýskipanini.

Sosatt hanga tveir høvuðstættir í fiskivinnuni framvegis í leysum lofti, nú tað styttist til, at løgtingið fer í jólafrí.

Í dag er ein mánaður, síðani landsstýrismaðurin í fiskivinnumálum boðaði frá, at fiskidagaskipanin heldur fram í 2019, hóast lógin um sjófeingi sigur, at trolarar í bólki-2 og línuskip í bólki-3 fara yvir til eina kvotuskipan á nýggjárinum.

Enn er tó einki uppskot um fiskidagar fyri 2019 komið úr Fiskimálaráðnum.

Lógaruppskotið um veiðigjald varð lagt fyri løgtingið av "fíggjarlógar-tekniskum" ávum, saman við fíggjarlógaruppskotinum, síðst í september. Men frá fyrsta degi var greitt, at meiriluti er ikki fyri júst hesum uppskotinum.

Sambært fíggjarlógaruppskotinum skal landskassin fáa 355 milliónir krónur í avgjøldum frá fiskivinnuni næsta ár, bæði frá veiðigjøldum og uppboðssølu av rættindum at fiska.

 
Nýggjastu sendingar í ÚV
Mikudag 12. august
Morgunlesturin mikudagurin 12. august 2020
112095
Týsdag 11. august
Tá makrelurin broytti Føroyar (2:6)
112157
Týsdag 11. august
Summartímin 11. august
112208
Týsdag 11. august
Góðan morgun Føroyar 11.08.2020
112186
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807