Samherji vónsvikin: noyðist úr føroyska flotanum

Tað kemur óvart á íslendska stórfelagið Samherja, at føroyingar ætla at siga upp Hoyvíkssáttmálan. 

Tað sigur Kristján Vil­helms­son, ­stjóri í Sam­herja, við Morgunblaðið. 

Samherji eigur 30 prosent í føroyska reiðaríinum Framherja í Fuglafirði.

Kristján Vil­helms­son sigur, at felag hansara er vónsvikið, tí nú noyðist tað at selja lut sín í føroyska fiskiskipaflotanum fyri 1.januar 2025. 

Kristján Vil­helms­son væntar eisini, at Samherji noyðist at selja lut sín í frystigoymsluni Berg­frosti í Fuglafirði.

Trygd fyri endurgjaldi

Íslendska stjórnin krevur, at landsstýrið veitir trygd fyri endurgjaldskravi til felagið Samherja, tí felagið skal úr føroyska fiskiskipaflotanum.

Tað vil landsstýrið tó ikki gera, fyrr enn tað er prógvað, at felagið hevur rætt til endurgjald.

Støðan er í løtuni tann, at Hoyvíkssáttmálin verður sagdur upp 1.januar.

Løgtingið hevur givið landsstýrismanninum í uttanríkis- og vinnumálum, Poul Michelsen, loyvi til tess.