Flemish Cap byrjar ikki fyrr enn 10.januar

Næsta ár byrjar toskafiskiskapurin hjá føroyingum á Flemish Cap ikki fyrr enn 10.januar, so skipunum nýtist ikki at fara yvir fyrr enn eftir nýggjár.

Í fjør fór okkurt skip av stað longu annað jólakvøld, tí talan er um felagskvotu. Tað ræður um av vera millum tey fyrstu á feltinum.

Toskakvotan á Flemish Cap, sum eisini næsta ár verður felagskvota, er nógv størri næsta ár enn hon hevur verið undanfarin ár.

Kvotan í 2019 er 3.911 tons. Men bara 2.635 tons verða latin línuskipunum. 

Tey noyðast at keypa rættin at fiska 1.276 tons á uppboðssølu.