Samráðingar betri enn Fasti gerðarrætturin

bannari
Samráðingar betri enn Fasti gerðarrætturin
Vandi er fyri, at úrskurðurin frá 2013 verður endurtikin, sigur formaðurin í Skipara- og navigtørfelagnum
Manningarnar halda ikki, at tær skulu rinda fyri rættindi, sum reiðarar keypa á uppboðssølu.
 
31.12.2018 - 13:49

Samráðingar eru helst betri enn Fasti garðarrætturin.

Tað ásannar Skipara- og navigatørfelagið, eftir at hava tosað við ráðgevararnar hjá feløgunum, sum hava fólk á fiskiskipum.

Formaðurin í Skipara- og navigatørfelagnum, Annfinnur Garðalíð, segði í frágreiðing sínari á aðalfundi felagsins herfyri, at ráðgevingin hjá manningafeløgum mælir til, at tað besta er, at feløgini og reiðararnir samráðast um hetta málið.

Tí um Fasti gerðarrætturin brúkar dómin frá 2013 sum fyrimynd, eru manningarnar dømdar at rinda. 

Annfinnur Garðalíð segði, at í nógvum førum hevur tað lønt seg heldur at samráðast um trætumál enn at royna tey í rættinum. 

Uppboðssølan

Trætumálið, sum er frammi nú, er, um manningarnar skulu gjalda fyri rættindi, sum reiðarin keypir á uppboðssølu, tað er, um kvotukeyp er loyvdur frádráttur, um manningarnar skulu rinda part av tí, sum keyp á uppboðssølu kostar.

Tað halda manningarfeløgini ikki og kærdu hálvan juli til Fasta gerðarrættin. Har liggur málið. Reiðarafelagið svaraði gerðarrættinum 18.oktober. 

Fasti gerðarrættur gav í 2013 reiðarunum viðhald. Men tá var tonsatalið nógv minni enn nú, og onnur lóggáva var galdandi tá.

Fasti gerðarrættur vísti tá eisini til sáttmálan hjá manningarfeløgum.

Manningarfeløgini hava sagt upp sáttmálarnar við Reiðarafelagið. Teir fara úr gildi 1.apríl næsta ár.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585