Loyvi at ala tara og skel skjótt leys at søkja

Nú fer skjótt at bera til at søkja um loyvi til at ala tara og tvískel á Kaldbaksfirði, Gøtuvík, Skálafirði og Funningsfirði.

Og menningarloyvi fæst til at ala laks og síl við nýggjari tøkni eystan fyri Nólsoynna og í Kaldbaksfirði.

Søkjast kann eisini um loyvi at ala laks og síl á landi við Kaldbaksfjørð. 

Vinnumálaráðið hevur sent nakrar kunngerðir, sum byggja á alilógina, til hoyringar.  

Bara eitt loyvi verður latið til hvørja aling.

Áðrenn loyvini til at ala tvískel verða boðin út, ger Heilsufrøðiliga starvsstova kanningar við atliti at matvørutrygd.