Varðhaldsfongslaður í harðskapsmáli

Ein maður í 20-unum varð í gjár varðhaldsfongslaður í tríggjar vikur, skuldsettur fyri í tveimum førum at hava framt harðskap í Havn leygarnáttina. 

Skuldsetti maðurin nýtti knúgvajarn. 

Maðurin er eisini skuldsettur fyri at hava framt herverk á ein løgreglubil, tá hann varð tikin.

Løgreglan kannar framvegis málið, og kanska verður onkur skuldsettur aftrat.

Ætlaðu sær á Villingardalsfjall við tjaldi

Tveir útlendingar ætlaðu at sova í tjaldi á Villingardalsfjalli á Viðareiði í nátt.

Boðað varð løgregluni frá, og tyrlan varð eisini boðsend.

Bóndin, sum hevur hagan, helt tað ikki vera ráðiligt hjá monnunum at sova í tjaldi. 

Hann fór niðan eftir teimum, og fekk teir omanaftur í bygdina í gjárkvøldið.