Masturin tikin niður og økið "miljø"ruddað

Loranmasturin á støðini á Eiði verður tikin niður, og økið verður ruddað, miljøruddað, sum tað stendur í uppritinum hjá Søfartsstyrelsen í Danmark, nú Føroyar skulu yvirtaka málsøkini sjóuppmerking og vitaverk.

Hesum fer Søfartsstyrelsen at síggja til.

Loran-C á Eiði varð stongd í 2015, tá avtalan millum Søfartsstyrelsen og det franske stýrið fyri virksemi á sjónum ikki varð longd.

Loran-C støðin á Eiði kom í 1959. Frá 2006 til 2015, tá hon læt aftur, fíggjaði Frakland hana.