Sjúkrarøktarfrøðingar átala politiska myndugleikan

300 sjúkrarøktarfrøðingar vóru komnir saman á aðalfundinum hjá Felagnum Føroyskir Sjúkrarøktarfrøðingar í gjár, leygardagin..

Í skrivi frá felagnum stendur, at aðalfundurin er samdur um  at átala hugburð og framferð hjá politiska myndugleikanum og fyrisitingini mótvegis fakligu leiðsluni. 

Millum annað verður víst á, at politiski myndugleikin heldur raðfestir ein stjóra, ið heldur játtanina, enn eina fakliga leiðslu. Hetta verður sagt í sambandi við fráfarna stjóran á Landssjúkrahúsinum. 

- Um fremsta uppgávan er, at játtanin skal haldast, verður tað ómøguligt at hava visjónir fyri at menna tænastuna til gagns fyri allar sjúklingar og borgarar, stendur í skrivinum.