Hampa í Hvannhaga og fara síðani til Vágs

Heimasíðan hjá Tvøroyrar kommunu skrivar, at 110 fólk koma til Føroya flaggdagin 25.apríl. Fyrst fara tey til Bíggjar, har tey verða skipað í bólkar, sum síðani verða sendir kring oyggjarnar.

Tvøroyrar kommuna er við í átakinum hjá Visit Faroe Islands, skrivar heimasíðan. Tíggju fólk í Hvannhaga at hampa gøtuna, laða upp garðar og umvæla portrið.

Arbeiðsmenn leggja lag á

Hetta er í Froðbiar partinum av Hvannhaga, og arbeiðið verður gjørt í samráði við arbeiðsmenn hjá Tvøroyrar kommunu.

Tá tey eru liðug í Hvannhaga, fara fólkini til Vágs, har tey skulu arbeiða 27. apríl. Síðani verður farið í tyrlu til Havnar, har Visit Faroe Islands skipar fyri stórari veitslu.

Tey tíggju fólkini, sum fara til Tvøroyar og Vágs, eru í aldrinum 30 til 60 ár. Tey 110 fólkini, sum koma til Føroya at rudda og hampa, fáa ókeypis uppihald her.