Pengarnir mugu finnast innan fyri karmarnar

Hóast samgongan í Fíggjarnevndini hjá løgtinginum ásannar, at Landsverk hevur brúk fyri pengum at viðlíkahalda vegir og berghol, taka Ruth Vang, Pauli Trond Petersen og Helena Dam á Neystabø ikki undir við Miðflokkinum, sum mælir til at játta í mesta lagi 200 mió. kr. til viðlíkahald næstu tíggju árini.

Hetta er eitt gott hugskot, halda tey.

Men tey halda, at um pengar skulu latast til størri viðlíkahald í fíggjarlógini fyri 2019, má umraðfestast soleiðis, at peningurin verður funnin á øðrum játtanum. 

Tí kann uppskotið hjá Miðflokkinum ikki standa einsamalt, men eigur at vera viðgjørt í uppskoti um eykajáttan frá landsstýrinum, har pengarnir eru funnir innan fyri verandi fíggjarkarmar, sigur samgongan í Fíggjarnevndini.

Meirilutin í Fíggjarnevndini, Bárður á Steig Nielsen, Jacob Vestergaard, Kristin Michelsen og Bill Justinussen, mælir løgtinginum til at samtykkja uppskotið.