Í dag eigur veljarin avgerðina

58 valstøð eru, og veljararnir eru 37.291 í tali.

Størsta valstaðið er í Havn, har 12.678 veljarar eru. Tað minsta er í Hattarvík. Har eru 11 veljarar skrásettir.

63 valevni eru.

Sambandsflokkurin og Javnaðarflokkurin hava stillað 15 valevni upp hvør, Fólkaflokkurin og Tjóðveldi 13, Framsókn seks og Sjálvstýrið eitt. 

Á fólkatingsvalinum 18.juni 2015 vóru 35.614 veljarar. 65,6 prosent teirra brúktu valrættin.

Tá var úrslitið klárt klokkan trý korter til ellivu valkvøldið.  

Hesaferð eru 1.677 fleiri veljarar enn í 2015.

Valhølini eru opin til klokkan átta í kvøld ella so leingi, nakar vil velja.