- Tíðindi, mentan og ítróttur
Bumba frá øðrum veraldarbardaga avfjúsað í Berlin
Bumba frá øðrum veraldarbardaga avfjúsað í Berlin
Í nátt var ein bumba frá øðrum veraldarbardaga funnin í miðbýnum í Berlin
15.06.2019 - 09:59
Ein amerikonsk bumba varð funnin tætt við Alexanderplatz í miðbýnum í Berlin.
Bumban var 100 kilo tung, og myndugleikarnir fluttu umleið 3000 fólk burtur í nátt, meðan teir skuldu avfjúsa bumbuna. Tað skriva týskir miðlar.
Økið var stongt í ein radius á 300 metrar. Tað eydnaðist at avfjúsa bumbuna, uttan at nakar kom til skaða.
Fólk sluppu heim aftur tíðliga í morgun.
Bumbur verða ofta funnar í Týsklandi frá seinna heimsbardaga, og tað er hent nakrar ferðir, at fleiri túsund fólk mugu flytast, tí bumbur skulu avfjúsast.
Tað verður mett, at túsundtals ósprongdar bumbur eru í Týsklandi.
Nýggjastu sendingar í ÚV
Nýggjastu sendingar í SV