Edmund formaður í Føroyanevndini

Edmund Joensen verður formaður í Føroyanevndini hjá fólkatinginum.

Tað var avgjørt á summarfundinum hjá Venstre um vikuskiftið. Sambandsflokkurin hevur samstarvsavtalu við Venstre.

Edmund Joensen er eisini næstformaður í arktisku sendinevndini hjá ríkinum.

Hann er í Norðurlandaráðnum fyri fólkatingið og harafturat í Grønlandsnevndini og Udenrigs-politisk nævn hjá fólkatinginum.

Hin føroyski fólkatingsmaðurin, Sjúður Skaale, er formaður í arktisku sendinevndini, og næstformaður í Føroyanevndini.