Stjórnin hjá Boris Johnson mist meirilutan

Í fráboðanini til Boris Johnson, forsætisráðharra, sigur Phillip Lee, at hann far ikki virka til frama fyri áhugamálum hjá sínum valdømi og tilframa fyri landsins áhugamálum, sum limur í konservativa flokkinum.

Sostatt hevur stjórnin hjá Boris Johnson mist meirilutan í Undirhúsinum.

Lee sigur, at tað serliga eru viðurskiftini við ES og brexit, sum eru orsøk til, at hann ikki longur kann verða í flokkinum.

- Brexit-tilgongdin hevur minkað henda frálíka flokkin til nakað, sum mest av øllum minnir um ein lítlan bólk, har konservatisman hjá hvørjum limi verður mátað í mun til, hvussu eirindaleyst tú vilt sleppa úr ES. Og eitt av helst størstu vónbrotunum er, at flokkurin er vorðin smittaður av sjúkunum populismu og enskari nationalismu, sigur Phillip Lee í grundgeving síni.

Frammanundan hevði stjórnin tepran meiriluta við einum tinglimi.

Liberaldemokratarnir eru kendir fyri at verða pro-evropiskur flokkur.