Nýggja landsstýrið sín fyrsta fund

Eftir fundin sigur Bárður á Steig Nielsen, løgmaður, at skal landsstýrið røkka góðum úrslitum, verður neyðugt at samansjóða sjónarmiðini og at samstarva væl, skrivar Løgmansskrivstovan.

– Mín høvuðsuppgáva verður at samskipa málini hjá landsstýrinum og tryggja, at tey verða framd, sigur løgmaður.

Av teimum sjey, sum nú manna landsstýrið, hava fýra verið landsstýrisfólk fyrr.

Tey eru Bárður á Steig Nielsen, Jørgen Niclasen, Jacob Vestergaard og Kaj Leo Holm Johannesen.

Jenis av Rana, Helgi Abrahamsen og Elsebeth Mercedis Gunnleygsdóttur eru nýggj í landsstýrinum.