BankNordik væntar betri úrslit í ár

BankNordik roknar við, at úrslitið í ár verður betri enn væntað. Tað sigur bankin í eini fráboðan til keypsskálan. 

Upprunaliga væntaði BankNordik, at úrslitið í ár fór at verða millum 150 og 200 milliónir krónur í avlopi. Nú sigur bankin, at væntandi verður úrslitið í 2019 millum 170 og 210 milliónir. 

Orsøkin er, at inntøkurnar frá ómaksgjøldum og tryggingum hava verið størri enn mett. Bankin hevur eisini afturført avskrivingar sum inntøku, stendur í fráboðanini til keypsskálan.