Fyrsta myllan í Suðuroynni framleiðir í heyst

Arbeiðið at byggja vindmyllulundina í Porkerishaga í Suðuroy er nú byrjað. 

Í løtuni verður grivið út fyri atkomuvegi til økið, har sjey vindmyllur skulu setast upp.

Tá tað er liðugt, verða betongfundament stoypt, og í juni verður klárt at seta vindmyllurnar upp.

Tær sjey myllurnar eru 6,3 MW tilsamans, og battarískipan og onnur útgerð skulu geva javnari elorku frá myllunum.

Varandi orka burturav

Við hesi útgerð fer Suðuroyggin ein part av tíðini at hava varandi orku burturav, har vindorkan fer at standa fyri stórum parti av framleiðsluni, skrivar SEV. 

El-orkan í Suðuroynni er ikki bundin í meginøkið, og vindmyllulundin í Porkerishaga fer saman við battarískipanini væntandi at framleiða 20 GWt um árið.

Tað svarar til streymnýtsluna hjá umleið 4.000 vanligum húsarhaldum.

Vindfelagið Neshagi, sum er dótturfelag hjá SEV, vann kappingina um at byggja vindmyllulundina í Porkerishaga, og eftir ætlan fer fyrsta myllan at framleiða el-orku inn á netið í Suðuroy í september, skrivar SEV.